SƏFƏRİN YEKUNLARINA DAİR PROTOKOL İMZALANMIŞDIR

10.11.2006 [22:01]
Çap et
A⁺ A^-

AZƏRTAC xəbər verir ki, noyabrın 10-da “Hyatt-Regency” hotelində Azərbaycanın əmək və əhalinin sosial müdafiəsi naziri Füzuli Ələkbərov ilə Ukraynanın əmək və sosial siyasət naziri Mixail Papiyev dördgünlük səfərin nəticələri haqqında Protokol imzalamışlar.

Protokolda ölkələrimizin əmək, məşğulluq, əhalinin sosial müdafiəsi və əmək miqrasiyası sahəsində milli qanunvericiliyin təkmilləşdirilməsi üzrə təcrübə mübadiləsinin aparılması, peşə hazırlığı, sosial sığortadan yayınma hallarının aradan qaldırılması üzrə mövcud təcrübənin öyrənilməsi, monitorinqlərin aparılması, işsizlik problemlərinin həlli, tibbi-sosial ekspertiza, əlillərin reabilitasiyası, ünvanlı sosial yardım mexanizminin təkmilləşdirilməsi məsələləri öz əksini tapmışdır.

İmzalanma mərasimindən sonra mətbuat konfransı keçirilmişdir. Hər iki nazir jurnalistləri maraqlandıran sualları ətraflı cavablandırmışlar.