Şəhid ailələri ilə növbəti görüş Ağsuda keçirilib
Bakı, 21 oktyabr, AZƏRTAC
Dövlət Miqrasiya Xidməti (DMX) Ağsu Regional Miqrasiya İdarəsinin əməkdaşları xidməti ərazi üzrə Vətən müharibəsinin şəhid və qazi ailələrinin ziyarəti tədbirlərini davam etdirirlər.
DMX-dən AZƏRTAC-a bildiriblər ki, Suqovuşan və Şuşanın azad olunması, torpaqlarımızın suverenliyi, ərazi bütövlüyü uğrunda şücaət göstərərək şəhid olan İsmət Qismətoğlu və Sübhan Cəfərovun ailəsi ilə görüş keçirilib. Vətən müharibəsinin qəhrəmanlıq dastanı yazan igidlərinin hər birimiz üçün qürur mənbəyi olduğu vurğulanıb.
İdarə əməkdaşları, həmçinin Vətən müharibəsi qazisi Yaqub Abdullayevin ailəsinə baş çəkiblər.
Görüş zamanı qəhrəmanın döyüş yoluna nəzər salınıb.
Bölmənin digər xəbərləri
