ŞƏHİD AİLƏLƏRİ VƏ QARABAĞ MÜHARİBƏSİ ƏLİLLƏRİ ÜÇÜN YENİ BİNA TİKİLİR
Kürdəmirdə şəhid ailələri və Qarabağ müharibəsi əlilləri üçün 16 mənzilli daha bir binanın tikintisi ilə əlaqədar hazırlıq işləri artıq başa çatdırılmışdır.
Rayon İcra hakimiyyətinin memarlıq və tikinti şöbəsindən AZƏRTAC-ın müxbirinə bildirmişlər ki, dövlət vəsaiti hesabına tikiləcək bu bina üçün ilkin olaraq 360 min manat ayrılmışdır. İnşaat işləri müsabiqədə qalib gəlmiş “Nicat AA” MMC tərəfindən görüləcəkdir.
Binanın gələn ilin birinci yarısında istifadəyə verilməsi nəzərdə tutulmuşdur.
