ŞƏHİD AİLƏLƏRİ VƏ QARABAĞ MÜHARİBƏSİ ƏLİLLƏRİNİN MƏNZİLLƏ TƏMİN OLUNMASI PROSESİ DAVAM EDİR
Sabirabad Rayon İcra Hakimiyyətinin tikinti və memarlıq şöbəsindən AZƏRTAC-ın müxbirinə bildirmişlər ki, rayonda şəhid ailələri, Qarabağ müharibəsi, Əfqanıstan və Çernobıl əlillərinin əsas sosial problemlərinin həllinə xüsusi diqqət yetirilir. Hazırda bu qəbildən olan adamlar üçün dövlət vəsaiti hesabına 16 mənzilli binanın tikintisi sürətlə aparılır. İcraçı təşkilat olan yerli təmir-tikinti idarəsi qısa müddətdə 30 min manatlıqdan artıq iş görmüşdür.
Mənzillər sahiblərinə gələn ilin martında təhvil veriləcəkdir.
