SƏHİYYƏ NAZİRLİYİNİN KOLLEGİYASINDA
Səhiyyə Nazirliyində müalicə müəssisələri ərazilərində ən yaxşı abadlaşdırma və yaşıllaşdırma işlərinə baxışın yekunlarına həsr olunmuş geniş kollegiya iclası keçirilmişdir. İclasda bildirilmişdir ki, əhaliyə pullu xidmət göstərilməsindən əldə edilən vəsait hesabına bu günə qədər 300-dən artıq səhiyyə obyekti təmir olunmuşdur. İlin sonunadək nazirliyin büdcədənkənar fondundan tikinti-təmir işlərinə 12 milyard manat xərcləmək nəzərdə tutulmuşdur.
Ağ Ciyər Xəstəlikləri Elmi Tədqiqat İnstitutu, Naxçıvandakı doğum mərkəzi, Gəncə şəhər vərəm dispanseri baxışın qalibləri olmuşlar. Bu müəssisələrin kollektivlərinə nazirliyin diplomları və pul mükafatları verilmişdir.
Kollegiyada həmçinin bildirilmişdir ki, nazirlik Azərbaycan Silahlı Qüvvələrinə Yardım Fonduna 30 milyon manat köçürmüşdür.
Bölmənin digər xəbərləri
