ŞƏKİDƏ 112 MİN TONDAN ARTIQ TAXIL TƏDARÜK OLUNMUŞDUR
Şəki Şəhər İcra Hakimiyyətinin aqrar məsələlər şöbəsindən AZƏRTAC-ın müxbirinə bildirmişlər ki, biçin kampaniyasının əvvəlindən indiyədək rayonda 112 min tondan artıq taxıl tədarük olunmuşdur. Bu göstərici ötən ildəkindən 39 min ton çoxdur. Hər hektardan məhsuldarlıq orta hesabla 23,3 sentner təşkil edir.
Rayonun taxılçılıq təsərrüfatlarında biçin başa çatmaq üzrədir. Hələlik 47888 hektar sahənin məhsulu toplanmışdır. Son günlər havaların qeyri-sabit keçməsi taxıl yığımının sürətini nisbətən aşağı salmışdır. Hazırda rayonun təsərrüfatlarında 3 min hektara yaxın sahədə taxıl biçini davam edir.
Bölmənin digər xəbərləri
