ŞƏKİDƏ KOSTİTUSİYA GÜNÜNƏ HƏSR OLUNMUŞ YIĞINCAQ KEÇİRİLMİŞDİR

11.11.2006 [11:17]
Çap et
A⁺ A^-

AZƏRTAC-ın müxbiri xəbər verir ki, noyabrın 10-da Şəki Şəhər İcra Hakimiyyətinin akt zalında 12 noyabr Kostitusiya gününə həsr olunmuş təntənəli yığıncaq keçirilmişdir. Tədbirdə şəhər icra hakimiyyəti və hüquq mühafizə orqanlarının rəhbərləri, ziyalılar, təhsil, səhiyyə və mədəniyyət işçiləri, ali və orta ixtisas məktəblərinin tələbələri iştirak etmişlər.

Şəhər icra hakimiyyəti başçısının müavini Zərinə Cavadova tədbiri giriş sözü ilə açaraq, müstəqil Azərbaycanın demokratik dəyərlərə əsaslanan Əsas Qanununun qəbul olunmasında ümummilli liderimiz Heydər Əliyevin tarixi xidmətlərini xüsusi vurğulamış, demokratik dövlət və cəmiyyət quruculuğu baxımından böyük əhəmiyyət daşıyan Konstitusiyanın növbəti ildönümünün Şəkidə böyük ruh yüksəkliyi və təntənə ilə qeyd olunduğunu bildirmişdir.

Şəki şəhər prokuroru Rahib Seyidovun mövzu ilə bağlı məruzəsində Konstitusiyanın milli dövlətçiliyimizin formalaşmasında və inkişafında müstəsna əhəmiyyətindən danışmış, onun qəbulundan ötən 11 il ərzində Azərbaycanın demokratik və hüquqi dövlət quruculuğunda böyük uğurlar qazandığını, mühüm qanunvericilik aktları qəbul olunduğunu vurğulamışdır.

Tədbirdə çıxış edənlər Azərbaycan Konstitusiyasını beynəlxalq hüquq normalarına uyğun, insan hüquq və azadlıqlarına geniş yer ayıran və dövlətçiliyimizin möhkəmləndirilməsinə xidmət edən mükəmməl normativ-hüquqi sənəd kimi dəyərləndirmişlər.

ŞƏKİDƏ KOSTİTUSİYA GÜNÜNƏ HƏSR OLUNMUŞ YIĞINCAQ KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri