ŞƏKİDƏ PAYIZLIQ TAXIL SƏPİNİ DAVAM EDİR
Şəki Şəhər İcra Hakimiyyətindən AZƏRTAC-a bildirmişlər ki, rayonun taxılçılıq təsərrüfatlarında 2008-ci ilin məhsulu üçün payızlıq taxıl səpini mütəşəkkil davam edir.
Bu il rayonda taxıl əkini sahələrinin 45-50 min hektara çatdırılacağı proqnozlaşdırılır. Payızlıq səpini üçün 9 min tona yaxın yüksək reproduksiyalı toxum ayrılmış və laboratoriya müayinəsindən keçirilmişdir.
Mövsümün əvvəlindən bəri təsərrüfatlarda 32 min 316 hektar sahədə şum qaldırılmış, 14 min 406 hektar sahədə səpin aparılmışdır. Əkin sahələrinin 9 min 175 hektarını buğda, 5 min 231 hektarını isə arpa sahələri təşkil edir. Səpin kampaniyasına kifayət qədər texnika cəlb edilmişdir.
Fermerlər səpinin optimal müddətdə başa çatdırılması üçün səylə çalışırlar.
Bölmənin digər xəbərləri
