Şəkidə sənaye məhsulu istehsalı 46 faiz artıb
Şəki, 6 avqust, Mustafa Dadaşov, AZƏRTAC
Bu ilin birinci yarısında Şəki rayonunda 259 milyon 228,1 min manatlıq məhsul istehsal edilib və xidmətlər göstərilib. Adambaşına faktiki qiymətlərlə 1369,4 manatlıq məhsul buraxılıb. Yanvar-iyun aylarında rayonda faktiki qiymətlərlə 26 milyon 610,4 min manatlıq sənaye, 125 milyon 816,3 min manatlıq kənd təsərrüfatı məhsulları istehsal edilib. Sənayedə məhsul istehsalı ötən ilin eyni dövrü ilə müqayisədə 46 faiz artıb.
Bu barədə AZƏRTAC-ın bölgə müxbirinə Şəki Şəhər Statistika İdarəsindən məlumat verilib.
Bildirilib ki, hesabat dövründə rayonda əsas kapitala 31 milyon 830,8 min manatlıq investisiya yönəldilib. İnvestisiyanın 25 milyon 309,5 min manatı tikinti işlərinə sərf edilib. İnformasiya və rabitə xidmətlərinin həcmi isə ötən ilin ötən ilin eyni dövrü ilə müqayisədə 8,4 faiz artaraq 1 milyon 464,2 min manat təşkil edib.
Bölmənin digər xəbərləri
