“SƏNİ TƏRƏNNÜM EDİRƏM, DOĞMA AZƏRBAYCANIM” MÖVZUSUNDA FOTOSƏRGİ AÇILMIŞDIR
“Səni tərənnüm edirəm, doğma Azərbaycanım” adlanan sərgidə böyük sənətkarın müxtəlif vaxtlarda və ölkələrdə görkəmli dövlət və mədəniyyət xadimləri, sadə əmək adamları ilə çəkilmiş 80-dən çox fotoşəkli nümayiş etdirilir.
Sərgidə rəssam İsa İbrahimovun “Rəşid Behbudov “Arşın mal alan” filmində Əsgər rolunda” tablosu, heykəltəraş Cümşüd İbrahimlinin R.Behbudovun büstü və barelyefi tamaşaçılara təqdim olunur.
Rəşid Behbudov fondunun direktoru Kamil Şahverdi, mədəniyyət nazirinin müavini, kinorejissor Vaqif Mustafayev, Rəssamlar İttifaqının katibi Ağəli İbrahimov, xalq artisti Lütfiyar İmanov tədbirdə çıxış edərək Rəşid Behbudovu təkcə əvəzsiz müğənni kimi deyil, həm də canından artıq sevdiyi Azərbaycanı dünyaya tanıtdıran böyük ziyalı, ictimai xadim kimi səciyyələndirmişlər.
Mərasimdə müğənninin lent yazıları səsləndirilmişdir.
Bölmənin digər xəbərləri
