Sentyabrın 9-da Azərbaycan ərazisində hava şəraiti haqqında məlumat

08.09.2013 [13:54]
Çap et
A⁺ A^-

Bakıda və Abşeron yarımadasında

Havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Saniyədə10-15 metr sürətlə

şimal-qərb küləyi əsəcək, gündüz arabir 18-23 metrədək güclənəcəkdir. Gecə 18-23°, gündüz 25-30° isti olacaqdır.

Bakıda gecə 20-22° , gündüz 27-29° isti olacağı gözlənilir.

Atmosfer təzyiqi 759 mm civə sütunu, nisbi rütubət 60-80 % təşkil edəcəkdir.

Abşeron çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəhdə 22-23°, Zağulba, Buzovna, Mərdəkan, Şüvəlanda 23-24°, Türkan, Hövsan, Şıx, Sahildə 24-25° olacaqdır.

Naxçıvan Muxtar Respublikasında

Əsasən gecə və axşam bəzi yerlərdə şimşək çaxacağı, qısamüddətli yağış yağacağı gözlənilir. Saniyədə 5-10 metr sürətlə qərb küləyi əsəcək, arabir 15-20 metrədək güclənəcəkdir.

Gecə 12-17°, gündüz 27-32° isti olacağı proqnozlaşdırılır.

Yuxarı Qarabağ: Xankəndi, Şuşa, Xocalı,

həmçinin Xocavənd, Qubadlı, Zəngilan, Laçın,

Kəlbəcər və Daşkəsən-Gədəbəy rayonlarında

Əsasən gecə və axşam bəzi yerlərdə şimşək çaxacaq, qısamüddətli yağış yağacaqdır.

Saniyədə 5-10 metr sürətlə qərb küləyi əsəcək, arabir 18-23 metrədək güclənəcəkdir.

Havanın temperaturunun gecə 9-14°, gündüz 19-24° isti olacağı gözlənilir.

Qazax, Gəncə, Goranboy, Tərtər, Ağdam, Füzuli və Cəbrayıl rayonlarında

Hava əsasən yağmursuz keçəcəkdir. Gecə və axşam bəzi dağlıq ərazilərdə şimşək çaxacağı, qısamüddətli yağış yağacağı ehtimalı vardır.

Gecə 14-19°, gündüz 26-31° isti olacaqdır.

Balakən, Zaqatala, Qax, Şəki, Oğuz, Qəbələ,

İsmayıllı, Ağsu, Şamaxı, Siyəzən, Şabran, Xızı,

Quba, Xaçmaz və Qusar rayonlarında

Əsasən gecə və axşam bəzi yerlərdə şimşək çaxacağı, qısamüddətli yağış yağacağı gözlənilir.

Havanın teperaturu gecə 14-19°, gündüz 23-28° isti olacaqdır.

Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında

Gecə və səhər bəzi yerlərdə şimşək çaxacağı, qısamüddətli yağış yağacağı ehtimalı vardır.

Temperaturun gecə 17-22°, gündüz 28-33° isti olacağı proqnozlaşdırılır.

Masallı, Yardımlı, Lerik, Lənkəran və Astara rayonlarında

Arabir yağış yağacağı gözlənilir.

Gecə 19-22°, gündüz 25-30° isti, dağlarda gecə 12-17°, gündüz 20-25° isti olacaqdır.