Sərbəst güləşçimiz İslam Bazarqanov “Qran-Pri” turnirinin finalına yüksəlib
Bakı, 9 avqust, AZƏRTAC
Gürcüstanda Vaxtanq Balavadze və Givi Kartoziyanın xatirəsinə həsr olunmuş “Qran-Pri” turnirində sərbəst güləşçilərimizdən İslam Bazarqanov (57 kq) finala vəsiqə qazanıb.
AZƏRTAC xəbər verir ki, ikinci yarış günündə 57, 65 və 74 kiloqram çəki dərəcələrində sərbəst, 60, 67, 77 və 87 kiloqram çəki dərəcələrində yunan-Roma güləşçiləri mübarizəyə qoşulublar.
İ.Bazarqanovun yarımfinalda məğlub etdiyi komanda yoldaşı Şahin Muxtarov, eləcə də yunan-Roma güləşçilərimizdən Kamran Məmmədovla (67 kq) Həsən Əliyev (77 kq) bürünc medal uğrunda mübarizə aparacaqlar.
Qeyd edək ki, bu çəki dərəcələrində medal qarşılaşmaları avqustun 9-da saat 18:00-dan sonra keçiriləcək.
Bölmənin digər xəbərləri
