DÜNYA
Serbiyalı nazir dəmiryolu vağzalındakı qəzaya görə istefa verəcəyini açıqlayıb
Belqrad, 4 noyabr, AZƏRTAC
Serbiyanın tikinti, nəqliyyat və infrastruktur naziri Qoran Vesiç tutduğu vəzifədən istefa verəcəyini açıqlayıb.
AZƏRTAC xəbər verir ki, Qoran Vesiç bu qərarı Novı Sad şəhərində dəmiryolu vağzalında baş verən dəhşətli faciə ilə əlaqədar qəbul etdiyin deyib.
“Mən tikinti, nəqliyyat və infrastruktur naziri vəzifəsindən istefa ərizəmi Serbiya Baş nazirinə rəsmi şəkildə təqdim edəcəyəm”, – deyə o hökumət binasında keçirilən mətbuat konfransında bildirib.
Xatırladaq ki, noyabrın 1-də dəmiryolu vağzalında stansiya binasının tavanının bir hissəsinin çökməsi nəticəsində 14 nəfər həlak olub və 3 nəfər ağır yaralanıb. Noyabrın 2-si Serbiyada milli matəm elan olunmuşdu.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
