SERGEY İVANOV HƏRBİ AKADEMİYANIN RƏİSİNİVƏZİFƏSİNDƏN AZAD ETMİŞDİR
AZƏRTAC “İnterfaks” agentliyinə istinadla xəbər verir ki, Rusiyanın müdafiə naziri Sergey İvanov Mojayski adına Hərbi Kosmik Akademiyanın rəisi general-leytenant Aleksandr Kovalyovu oktyabr ayında bu təhsil ocağında baş vermiş hadisə ilə əlaqədar vəzifəsindən azad etmişdir. Onda 300 kursant infeksion xəstəlik ehtimalı ilə xəstəxanalara göndərilmişdi. Tibbi müayinədən sonra 67 kursanta “qarın yatalağı” diaqnozu qoyulmuşdu. Hərbi prokurorluğun versiyasına görə, zəhərlənməyə yemək hazırlamaq texnologiyasının pozulması səbəb olmuşdur. Akademiyanın yeməkxanasına müsabiqədə qalib gəlmiş kommersiya təşkilatı xidmət göstərirdi.
Kosmik Qoşunlar komandanının arxa cəbhə üzrə müavini Nikolay Parnışkov, Leninqrad hərbi dairəsi (LHD) arxa cəbhə qərargahının rəisi general-mayor Mixail Reşetnyak da məsuliyyət daşıyacaqlar. Nazirin göstərişi ilə onlara xəbərdarlıq edilmişdir.
Bölmənin digər xəbərləri
