SƏRHƏDLƏRİN DELİMİTASİYASI ÜZRƏ AZƏRBAYCAN-RUSİYA KOMİSSİYASININ İCLASI KEÇİRİLMİŞDİR
Azərbaycan Xarici İşlər Nazirliyində baş nazirin birinci müavini Abbas Abbasovun və Rusiya Federastyası XİN-in baş müşaviri Pyotr Burdıkinin sədrliyi ilə sərhədlərin delimitasiyası üzrə Azərbaycan-Rusiya komissiyasının növbəti iclası olmuşdur. Komissiyanın işində müxtəlif nazirlik və komitələrin, sərhədyanı rayonların icra hakimiyyəti orqanlarının nümayəndələri iştirak etmişlər.
Xarici işlər nazirinin müavini Xələf Xələfov komissiyanın iclasında bildirmişdir ki, son vaxtlar bu sahədə xeyli birgə iş görülmüşdür. Abbas Abbasov isə demişdir ki, tərəflər mübahisəli məsələlərin aradan qaldırılması üçün mümkün olan hər şeyi edirlər. Rusiya tərəfindən komissiyanın həmsədri Pyotr Burdıkin bu qurumun fəaliyyətini yüksək qiymətləndirmişdir.
Komissiyanın iclasında qarşılıqlı maraq doğuran məsələlərə dair fikir mübadiləsi olmuşdur.
Bölmənin digər xəbərləri
