SƏRNİŞİNLƏRİN ƏKSƏRİYYƏTİ AVTOMOBİL VƏ METRO NƏQLİYYATI İLƏ DAŞINMIŞDIR
Dövlət Statistika Komitəsindən AZƏRTAC-a bildirmişlər ki, 2008-ci ilin yanvar-iyulunda nəqliyyat sektorunda sərnişin nəqliyyatı vasitələri ilə 688,8 milyon nəfər və ya əvvəlki ilin eyni dövrü ilə müqayisədə 7,2 faiz çox sərnişin daşınmışdır. Bu sahədəki fəaliyyətin 82,5 faizi qeyri-dövlət bölməsinin payına düşmüşdür. Sərnişinlərin əksəriyyəti avtomobil (82,6 faiz) və metro nəqliyyatı (16,8 faiz) ilə daşınmışdır.
Metro nəqliyyatının xidmətlərindən istifadə edən əhalinin sayı da ötən dövrdə artmışdır. Bu nəqliyyat vasitəsindən 115,4 milyon nəfər və ya əvvəlki ilin eyni dövrünə nisbətən 14 faiz çox sərnişin istifadə etmişdir.
Bölmənin digər xəbərləri
