SƏUDİYYƏ ƏRƏBİSTANI RUSİYADAN İRANA KÖMƏK OLMAĞI XAHİŞ EDİR
Diplomatın sözlərinə görə, Səudiyyə Ərəbistanı Milli Təhlükəsizlik Şurasının başçısı şahzadə Bəndər bin Sultan ötən həftə Moskvaya səfəri zamanı Rusiyanı BMT Təhlükəsizlik Şurasının qətnamə qəbul etməsinə yol verməməyə çağırmışdır. Belə ki, ABŞ İrana hücuma haqq qazandırmaq üçün bu qətnamədən istifadə edə bilər.
Xəbər verildiyi kimi, “Nyu Yorker” həftəliyində dərc olunmuş məqaləyə görə, ABŞ İranın nüvə mərkəzlərini dağıtmaq üçün taktiki nüvə silahına əl atmaq niyyətindədir. Lakin ABŞ Prezidenti Corc Buş bu məlumatı “cəfəng uydurmalar” adlandırmış və bəyan etmişdir ki, onun hökuməti İranla bağlı münaqişəni diplomatik yolla nizama salmaq ümidindədir.
Xatırladaq ki, martın 29-da BMT TŞ-nin qəbul etdiyi qətnamədə uranın saflaşdırılması ilə bağlı bütün işləri, o cümlədən elmi tədqiqatları tamamilə dayandırmaq İrana bir vəzifə olaraq tapşırılmışdır. ABŞ-ın BMT-dəki səfiri Con Bolton bildirmişdir ki, Tehran güzəştə getməsə, BMT TŞ İrana daha ciddi xəbərdarlıqla müraciət edəcəkdir. Bolton İrana qarşı qadağalar qoyulması nəzərdə tutulan qətnamə qəbul olunacağını da bildirmişdir.
Bölmənin digər xəbərləri
