“SEVİLYA BƏRBƏRİ” YENİ QURULUŞDA
Mayın 19-da Azərbaycan Dövlət Akademik Opera və Balet Teatrında görkəmli İtaliya bəstəkarı Rossininin “Sevilya bərbəri” operasının yeni quruluşda ilk tamaşası olmuşdur.
Əsas partiyaları Gürcüstan Opera və Balet Teatrının solistləri, əməkdar artistlər Besik Qabitaşvili (Fiqaro), Georgi Maxaradze (Qraf Almaviva), Azərbaycan Opera və Balet Teatrının solistləri, əməkdar artist, vokalçıların Bülbül adına I beynəlxalq müsabiqəsinin Qran pri mükafatçısı Əli Əsgərov (Don Bazilio), vokalçıların İtaliyada keçirilən beynəlxalq müsabiqəsinin diplomantı Əkrəm Poladov (Bartolo), İnarə Babayeva (Rozina) ifa etmişlər.
Yüksək bədii səviyyədə hazırlanmış tamaşanın musiqi rəhbəri və dirijoru respublikanın əməkdar incəsənət xadimi Cavanşir Cəfərov, quruluşçu rejissoru əməkdar artist Hüseyn Əliyev, quruluşçu rəssamı Tahir Tahirovdur.
Bölmənin digər xəbərləri
