“SƏYYAH” ANSAMBLI RESPUBLİKA SARAYINDA ÇIXIŞ EDƏCƏK
Artıq 12 ildir ki, “Səyyah” uşaq xoreoqrafiya ansamblı Bakının ən yaxşı səhnələrində öz məharətini nümayiş etdirir. Mayın 20-də isə Respublika sarayında bu kollektivin böyük konserti olacaqdır.
Mədəniyyət Nazirliyinin mətbuat xidmətindən bildirmişlər ki, ansambl yeni konsert proqramında məşhur rəqslərlə yanaşı, bir sıra yeni səhnələşdirilmiş rəqslər də ifa edəcəkdir. Onların arasında “Arşın mal alan”, “Azərbaycan” süitası, “Bahar rəqsi”, “Kovboy rəqsi”, “Viktoriya” və sair rəqslər var.
Ansambl bir sıra xeyriyyə konsertləri hazırlayır, Türkiyədə, İtaliyada və Kanar adalarında keçiriləcək beynəlxalq festivallarda iştirak etməyi planlaşdırır.
Bölmənin digər xəbərləri
