“Shamkir Chess-2017” şahmat turnirinin ikinci turuna start verilir
Şəmkir, 22 aprel, AZƏRTAC
Şəmkirdə Vüqar Həşimovun xatirəsinə həsr olunmuş “Shamkir Chess-2017” şahmat turnirinin ikinci turuna start verilir.
AZƏRTAC xəbər verir ki, ikinci turda Azərbaycan şahmatçıları rusiyalı rəqiblərlə üz-üzə gələcəklər. Belə ki, Şəhriyar Məmmədyarov Sergey Karyakin, Teymur Rəcəbov isə Vladimir Kramnik ilə qarşılaşacaq.
Digər görüşlərə gəlincə, Pentala Harikrişna (Hindistan) ukraynalı Pavel Elyanovla, ingiltərəli Maykl Adams ABŞ təmsilçisi Uesli So ilə polşalı Radoslav Voytaşek isə Bolqarıstan şahmatçısı Veselin Topalovla münasibətlərinə aydınlıq gətirəcək.
İlk turdan sonra Ş.Məmmədyarov və P.Elyanov 1 xalla turnir cədvəlinin ilk iki pilləsində yer alıblar. R.Voytaşek, V.Kramnik, V.Topalov, M.Adams, S.Karyakin və P.Harikrişnanın hesabında 0,5 xal var. T.Rəcəbov və U.So ilk görüşdən məğlub ayrılıblar.
Bölmənin digər xəbərləri
