Siciliya adasında Kataniya aeroportu uçuşlar üçün yenidən açılıb

06.07.2024 [16:41]
Çap et
A⁺ A^-

Roma, 6 iyul, AZƏRTAC

İtaliyada Etna və Stromboli vulkanlarının püskürməsi ilə əlaqədar bağlanan Siciliya adasındakı Kataniya hava limanı uçuşlar üçün yenidən açılıb.

AZƏRTAC xəbər verir ki, İtaliyanın Geofizika və Vulkanologiya İnstitutu iki gündür aktivlik müşahidə olunan Etna və Stromboli vulkanları barədə məlumat yayıb. Bildirilib ki, Etna vulkanının aktivliyi azalıb. Stromboli vulkanı isə intensiv və şiddətli fəaliyyətdədir, lakin hazırda aktiv lava axını müşahidə edilmir. Bölgədə elan olunan qırmızı həyəcan davam edir, mülki müdafiə əməliyyat komitəsi çağırılıb.

İnstitutun məlumatına görə, adada seysmik aktivliyin səviyyəsi aşağıdır.

Nihad Budaqov

AZƏRTAC-ın xüsusi müxbiri

Roma