Siqaretlərin ölkəyə qanunsuz yolla gətirilməsi cəhdinin qarşısı alınıb
Bakı, 5 mart, AZƏRTAC
Siqaretlərin ölkəyə qanunsuz yolla gətirilməsi cəhdinin qarşısı alınıb.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Qərb Ərazi Baş Gömrük İdarəsinin “Qırmızı Körpü” gömrük postunda Gürcüstandan ölkəmizə “Opel Vectra” markalı avtomobil ilə gələn Azərbaycan vətəndaşı saxlanılıb. Şifahi sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib. Kinoloji xidmət itinin reaksiyası nəticəsində nəqliyyat vasitəsinin sağ və sol ön oturacaqlarının içərisində gizlədilən 4000 ədəd “Marlboro” markalı siqaret aşkarlanıb.
Faktla bağlı araşdırma aparılır.
Bölmənin digər xəbərləri
