ŞİRVAN YÜKSƏK GƏRGİNLİKLİ ELEKTRİK ŞƏBƏKƏSİ 760 NÖMRƏLİ YARDIMÇI STANSIYASININ GÜCÜ ARTIRILMIŞDIR
“Azərenerji” ASC-dən AZƏRTAC-a bildirmişlər ki, ölkə üzrə bütün elektrik stansiyalarında, yardımçı stansiyalarda və elektrikötürücü xətlərdə payız-qış mövsümünə hazırlıq işləri aparılır.
Bu məqsədlə hazırlanmış tədbirlər planına əsasən, Şirvan YGEŞ-nin 760 nömrəli yardımçı stansiyasında 1 ədəd 1,6 MVA gücündə transformator işə salınmışdır. Ümumiyyətlə, cari ilin ötən dövründə müəssisənin balansında olan EVX-lərdə və yardımçı stansiyalarda nəzərdə tutulmuş təmir işləri tamamilə yerinə yetirilmişdir.
“Cənub”, “Sabirabad”, “Muğan” və “Cavad” yardımçı stansiyalarında müxtəlif gücə malik transformatorlar əsaslı, digər yardımçı stansiyalarda isə hava xətlərinin yağ açarları carı təmir edilmişdir. II və III Şirvan, III Masallı, Sol Sahil hava xətlərində isə 27 kilometrə yaxın xətt, onların davamlılığını möhkəmləndirmək üçün dayaqlar təmir edilmiş və 600-ə yaxın izolyator dəyişdirilmişdir.
Bununla yanaşa, 330 kV-luq Şirvan-İmişli, İmişli-Parsabad, 220 kV-luq Şirvan-Salyan, Salyan-Masallı hava xətlərinin tikintisi, eyni zamanda “Masallı” yardımçı stansiyasında yenidənqurma işləri və “Salyan” yardımçı stansiyasının tikintisi də davam etdirilmişdir.
Hazırda 110 kV-lik “Biləsuvar” yardımçı stansiyasında gücü 40 MVA, “Cəlilabad” yardımçı stansiyasında isə 10 MVA olan transformatorlar əsaslı təmir edilir.
Bölmənin digər xəbərləri
