Şirvanda avtomobilin vurduğu azyaşlı xəstəxanaya yerləşdirilib
Şirvan, 22 noyabr, Aydın Yavərzadə, AZƏRTAC
Şirvan şəhərində azyaşlı uşağın vurulması ilə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, yol qəzası saat 14 radələrində Şirvan şəhərində qeydə alınıb. Salyan sakini D.Xankişiyeva idarə etdiyi "Chevrolet" markalı avtomobillə hərəkətdə olarkən 2020-ci il təvəllüdlü M.Süleymanlını vurub. Xəsarət alan azyaşlı Şirvan Şəhər Mərkəzi Xəstəxanasına yerləşdirilib, ona dərhal təcili təxirə salınmaz tibbi yardım göstərilib. Həkim nəzarətində olan uşağın vəziyyətinin orta-ağır olduğu bildirilir.
Faktla bağlı araşdırma aparılır.
Bölmənin digər xəbərləri
