SOCAR prezidenti: Avropa ilə uzunmüddətli əməkdaşlıq planı hazırlamışıq
Astana, 2 oktyabr, AZƏRTAC
Astanada “Kazakhstan Energy Week-2025”in açılış sessiyasında Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf şirkətin strateji planlarını və uzunmüddətli hədəflərini təqdim edib.
AZƏRTAC xəbər verir ki, onun sözlərinə görə, üç il əvvəl Azərbaycanın avropalı tərəfdaşları qaz ixracının artırılmasını xahiş ediblər. “Buna cavab olaraq, biz infrastrukturumuzu modernləşdirdik və irimiqyaslı investisiyalar həyata keçirdik. Maliyyə sabitliyini təmin etməklə və boru kəmərləri şəbəkəsini genişləndirməklə, həmçinin Avropa ilə uzunmüddətli əməkdaşlıq planı hazırlamışıq”, - deyə Rövşən Nəcəf vurğulayıb.
SOCAR prezidenti onu da bildirib ki, şirkət bu yaxınlarda türkiyəli tərəfdaşları ilə birgə Suriyaya qaz nəqlinə başlayıb. “Bu gün Suriya öz dövlətçiliyini bərpa etmək prosesindədir. Bu ilin avqustundan biz türkiyəli tərəfdaşlarımızla birgə Suriyaya qaz nəqlinə başladıq”, - deyə o qeyd edib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
