Sona Qasımlı: Hər bir tələbə Azərbaycanın işıqlı gələcəyi üçün çalışmalıdır
Bakı, 21 dekabr, AZƏRTAC
Azərbaycan tələbələrinin II qurultayında iştirak etməkdə əsas məqsədim yeni məlumatlar əldə etməklə yanaşı, uğur qazanan tələbələrin nailiyyətləri ilə tanış olmaq və onlardan öyrənməkdir.
Bu sözləri Azərbaycan tələbələrinin II qurultayının iştirakçısı, Bakı Dövlət Universitetinin coğrafiya fakültəsinin tələbəsi Sona Qasımlı AZƏRTAC-a müsahibəsində deyib.
“Qurultayda təhsil aldığım universitetin fəal və uğurlu tələbələrini də gördüm və bununla qürur duydum. Məncə, hər bir tələbə Azərbaycanın işıqlı gələcəyi üçün çalışmalıdır. Tələbə gənclərimiz bütün sahələrdə ölkəmizi uğurla təmsil etmək, Azərbaycanın bayrağını daim ucaltmaq üçün biliklərini artırmalı, özünü yüksək intellektli insan kimi yetişdirməlidir. Çox sevinirəm ki, tələbələrin qurultayları keçirilir və onlar bu imkanlardan faydalanırlar”, - deyə S.Qasımlı bildirib.
Bölmənin digər xəbərləri
