SOROÇİNSK YARMARKASININ ƏLVAN RƏNGLƏRİ
AZƏRTAC-ın xüsusi müxbiri xəbər verir ki, Ukraynanın Poltava vilayət dövlət administrasiyasının sədri Valeri Asadçev bu il Soroçinsk yarmarkasının iki dəfə keçirilməsini təklif etmişdir.
V.Asadçev demişdir: “Böyük həmyerlimiz, Bolşiye Soroçinsk kəndini məşhurlaşdırmış Nikolay Qoqolun anadan olmasının 200 illik yubileyinin yaxınlaşması ilə əlaqədar olaraq, builki yarmarka Nikolay Qoqola həsr ediləcəkdir”. O, daha sonra demişdir ki, bu il yarmarkanı iki dəfə keçirməyə çalışacağıq, çünki bu qədər böyük ərazidən ildə yalnız bir dəfə istifadə edilməsi məntiqsizlikdir.
Bu il Milli Soroçinsk yarmarkası avqustun 14-dən 17-dək keçiriləcəkdir. Artıq Ukraynanın və MDB ölkələrinin 200-dən çox müəssisəsi, eləcə də çoxsaylı xüsusi sahibkarlar və xalq sənətkarları bu tədbirdə iştirak edəcəklərini bildirmişlər. Yarmarkaya Azərbaycandan, Gürcüstandan, Argentinadan, Macarıstandan və Litvadan da nümayəndə heyətlərinin gələcəyi gözlənilir.
Bölmənin digər xəbərləri
