Sosial Xidmətlər Agentliyinin sədri Şabranda vətəndaşların müraciətini dinləyib
Bakı, 21 noyabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Şabranda həmin rayonun və Siyəzəndən olan vətəndaşların müraciətini dinləyib.
Agentliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, ümumilikdə 20-yə yaxın vətəndaş müraciət edib və onların bir qismi şəhid ailəsi üzvləri və müharibə ilə əlaqədar əlilliyi olan şəxslər olub.
Müraciətlər sırasında fərdi ev, avtomobil təminatı, sanatoriya-kurort yollayışları ilə təminat və sosial reabilitasiya xidmətləri üstünlük təşkil edib.
İmtiyazlı şəxslər agentliyin fəaliyyət istiqamətlərinə aid müraciətlərini bildiriblər. Agentlik sədri müraciətlərin araşdırılması üçün aidiyyəti üzrə tapşırıqlar verib.
Bölmənin digər xəbərləri
