SOYĞUNÇULUQ ETMİŞ SÜRÜCÜ TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Binəqədi rayonundakı H.Babaşov küçəsində M.Ə.Rəsulzadə qəsəbəsinin sakini Namiq Şeydayev və oğlu Elnur dövlət qeydiyyat nişanı müəyyən edilməmiş “VAZ-2107” markalı avtomaşına sərnişin qismində oturaraq yaşadıqları ünvana gedəcəklərini bildirmişlər.
Qəsəbə ərazisində “VAZ-2107” markalı avtomaşının sürücüsü Elnurun avtomobildən ləng düşməsindən istifadə edərək onu bıçaqla hədələmiş və mobil telefonunu almışdır.
Binəqədi Rayon Polis İdarəsinin 7-ci bölməsinin əməkdaşlarının keçirdikləri operativ əməliyyat-axtarış tədbirləri nəticəsində hadisəni törətmiş sürücü, Bakı şəhər sakini Elman Abdullayev saxlanılmışdır. Axtarış zamanı ondan 2,224 qram, avtomaşınından isə 0,239 qram heroin tapılmışdır.
Faktla bağlı təhqiqat aparılır.
Bölmənin digər xəbərləri
