SUMQAYITDA ƏLİLLƏR ÜÇÜN İNTERNET KLUBU AÇILMIŞDIR
AZƏRTAC-ın müxbiri xəbər verir ki, Sumqayıtda respublika Qızıl Aypara Cəmiyyətinin dəstəyi ilə İnternet klubu açılmışdır. Ən yeni kompüterlərlə təchiz edilən klub maraqlananların yeni texnologiyalarla tanış olmasına, dünya İnternet şəbəkəsi vasitəsilə lazımi informasiya almasına imkan yaradacaqdır.
Gələcəkdə ingilis dili, kulinariya, dərzilik, toxuma və başqa kursların da açılması planlaşdırılır.
Açılış mərasimində iştirak edən respublika Qızıl Aypara Cəmiyyətinin sədri Novruz Aslanov əlillərin və tənha adamların asudə vaxtlarını səmərəli keçirə bilməsi üçün təmənnasız yer ayırdığına görə şəhər icraiyyə hakimiyyətinə minnətdarlığını bildirmişdir.
Bölmənin digər xəbərləri
