Sumqayıtda gənc qız yataqxananın beşinci mərtəbəsindən yıxılaraq həlak olmuşdur
Sumqayıt, 16 may (AZƏRTAC). Mayın 15-i axşam Sumqayıtın 4-cü mikrorayonunda ölümlə nəticələnən bədbəxt hadisə baş vermişdir. 7 nömrəli yataqxananın 132-ci otağında yaşayan Almaz Miəlvan qızı Qəmbərova eyvandan yıxılmışdır.
Sumqayıt şəhər Polis İdarəsinin növbətçi hissəsində hadisənin baş verməsini təsdiqləyərək bildirmişlər ki, 1988-ci il təvəllüdlü gənc qız mayın 15-də saat 21:15-də beşinci mərtəbədə yaşadığı otağın eyvanında ipə paltar sərdiyi zaman eyvandan yıxılmışdır. Almaz Qəmbərova aldığı zədələrdən yerindəcə dünyasını dəyişmişdir.
Sumqayıt şəhər prokurorluğunda hadisə faktı ilə əlaqədar cinayət işi başlanmışdır. Hadisənin səbəbləri və təfərrüatları araşdırılır.
Bölmənin digər xəbərləri
