SUMQAYITDA YOL HƏRƏKƏTİ TƏHLÜKƏSİZLİYİ AYLIĞI KEÇİRİLİR
AZƏRTAC-ın müxbiri xəbər verir ki, yeni dərs ilinin elə ilk günü şəhərin bütün təhsil müəssisələrində “Piyadaların davranış qaydaları” mövzusunda xüsusi dərslər keçirilmişdir. Sumqayıt yol polisinin əməkdaşları cədvəl üzrə müntəzəm surətdə məktəblərdə olur, söhbətlər aparır, tematik oyunlar təşkil edir, praktik məşgələlər aparırlar.
Mütəxəssislərin fikrincə, uğurla aparılmış profilaktik iş nəticəsində Sumqayıtda uşaqlarla bağlı yol-nəqliyyat qəzaları xeyli azalmış, yollarda sürücülərin və piyadaların məsuliyyəti nəzərəçarpacaq dərəcədə artmışdır.
