SUMQAYITIN BANK SİSTEMİ GENİŞLƏNİR
AZƏRTAC-ın müxbiri xəbər verir ki, şəhərdə bank sisteminin inkişafı konsepsiyası müvəffəqiyyətlə həyata keçirilir, burada ölkənin 24 bankının filialları uğurla fəaliyyət göstərir. Təkcə son 3 ildə 15 filial açılmışdır.
Hazırda intensiv inkişaf edən Sumqayıtda müasir innovasiya və texnologiyalar uğurla tətbiq olunur. Əlverişli şərait və biznes mühiti sahibkarlıq təşəbbüsünün inkişafına kömək edir. Təxminən 23 min yeni iş yeri açılmış, əhalinin kredit almaq imkanları artmışdır ki, bütün bunlar Sumqayıtı bankirlər üçün cazibəli etmişdir.
Şəhər icra hakimiyyətinin başçısı Vaqif Əliyev, “Bank Standard”ın İdarə heyətinin sədri Oruc Heydərov mərasimdə çıxış edərək bildirmişlər ki, ölkənin ən iri və əhalisi sıx olan şəhərlərindən biri sayılan Sumqayıtın sakinlərini müasir bank xidməti ilə təmin edən bu filial bankın ölkədə onuncu, bölgələrdə isə dördüncü filialıdır. Bundan əvvəl filiallar Gəncə, Lənkəran və Siyəzəndə açılmışdır.
Bölmənin digər xəbərləri
