SÜRİX ƏN YÜKSƏK HƏYAT KEYFİYYƏTİ ŞƏHƏRİ SAYILMIŞDIR
Mercer mütəxəssislərinin illik hesabatları xaricdən gələn mütəxəssislər üçün ən yaxşı iş şəraiti yarada bilən şəhərləri müəyyənləşdirməyə imkan verir. Şəhərlər 39 parametr üzrə qiymətləndirilir: təhlükəsizlik, görməli yerlər, tibbi xidmət, nəqliyyat sistemi, asudə vaxt üçün şərait və sair.
Sürix artıq ikinci ildir dünyanın yaşamaq üçün ən rahat şəhərləri siyahısına başçılıq edir. 2006-cı ildə bu siyahıda ikinci yeri İsveçrənin Cenevrə, üçüncü yeri isə Kanadanın Vankuver şəhərləri tutur.
10 ən rahat şəhər siyahısına Avropanın 7 şəhəri daxildir. Onların üçü Almaniya şəhərləridir (Frankfurt, Düsseldorf və Münxen). Onluğa digər qitələrdəki şəhərlərdən Oklend (Yeni Zelandiya–5-ci yer) və Sidney (Avstraliya–10-cu yer) də daxildir.
Bölmənin digər xəbərləri
