TAİLANDIN CƏNUBUNDA YARAQLILAR ÜÇ MƏKTƏBİ YANDIRMIŞLAR
Hadisələr Tailand hökümətinin başçısı Surayud Çulanontun ölkənin cənubuna səfərindən bir gün sonra baş vermişdir. Baş nazir əvvəlki hökumətin insan tələfatı ilə nəticələnən hərəkətlərinə görə yerli sakinlərdən üzr istəmişdir. Ekspertlərin fikrincə, bu bəyanət krallığın cənubunda vəziyyətin nizama salınmasında irəliləyişə səbəb ola bilər.
Ölkənin cənub əyalətləri Narathivat, Pattani, Yala və qismən Sonqkhla 2004-ci ilin yanvarından zorakılığa məruz qalmışdır. Hökumət baş verən hadisə üçün bütün məsuliyyəti yerli separaçı hərəkatın üzərinə qoyur. Hərəkatın fəalları hakimiyyət nümayəndələrinə qarşı yönəldilmiş terror aktlarının təşkilində ittiham edilirlər. 1,7 mindən çox adam yaraqlıların qurbanı olmuşdur.
Bölmənin digər xəbərləri
