TARİX VƏ MƏDƏNİYYƏT QORUQLARINA HƏSR OLUNMUŞ SƏRGİ
İyulun 10-da Azərbaycan Miniatür Sənəti Mərkəzində tarix və mədəniyyət qoruqlarına həsr olunmuş sərgi açılmışdır.
Mədəniyyət Nazirliyi, Rəssamlar İttifaqı və YUNESKO üzrə Azərbaycan Milli Komissiyasının xətti ilə təşkil edilmiş sərgiyə qayaüstü rəsmləri ilə dünyada məşhur olan Qobustan abidələrini, ölkəmizin təbiətini əks etdirən əsərlər təqdim olunmuşdur.
Tədbiri giriş sözü ilə əməkdar incəsənət xadimi, Rəssamlar İttifaqının katibi Ağəli İbrahimov açdı.
YUNESKO məsələləri üzrə Azərbaycan Milli Komissiyasının məsul katibi Ramiz Abutalıbov çıxış edərək tarix və mədəniyyət qoruqlarının mühafizəsində YUNESKO-nun rolundan danışdı, belə tədbirlərin əhəmiyyətini vurğuladı.
Sonra tədbir iştirakçıları sərgi ilə tanış oldular.
Bölmənin digər xəbərləri
