“Tarixi qələbə” onlayn respublika rəsm müsabiqəsi yekunlaşıb
Bakı, 2 noyabr, AZƏRTAC
Təhsil Nazirliyinin dəstəyi, 2 nömrəli Uşaq-Gənclər İnkişaf Mərkəzinin təşkilatçılığı ilə keçirilən “Tarixi qələbə” onlayn respublika rəsm müsabiqəsinə yekun vurulub.
Bu barədə AZƏRTAC-a Təhsil Nazirliyindən məlumat verilib. Bildirilib ki, müsabiqədə respublikamızın regionlarında və Bakı şəhərində fəaliyyət göstərən 51 uşaq-gənclər inkişaf mərkəzi iştirak edib. 2 mərhələ və 3 yaş qrupu (6-9, 10-13 və 14-18) üzrə keçirilən müsabiqəyə ümumilikdə 500-dən çox dərnək üzvü tərəfindən rəsmlər göndərilib.
Münsiflər heyəti tərəfindən hər yaş qrupu üzrə işlər qiymətləndirilib, qaliblər müəyyən olunub. Qaliblər 2 nömrəli Uşaq-Gənclər İnkişaf Mərkəzinin diplomları ilə təltif olunacaq.
Bölmənin digər xəbərləri
