Tatarıstanda Dövlət Dumasının deputatına məxsus helikopter qəzaya uğrayıb
Moskva, 7 fevral, AZƏRTAC
Rusiyanın Tatarıstan Respublikasında helikopter qəzaya uğrayıb.
AZƏRTAC xəbər verir ki, Tatarıstanın Laişevo şəhəri yaxınlığında qəzaya uğrayan helikopterin Dövlət Dumasının “Yedinaya Rossiya” Partiyasından olan deputatı Ayrat Xayrullinə məxsus olduğu bildirilir.
Qeyd edilir ki, qəzaya uğrayan helikopterdə A.Xayrullin, onun köməkçisi və pilot olub. Helikopterin meşəyə düşməsi səbəbindən xilasedicilər hadisə yerinə gedə bilmirlər. Havadan helikopterdəkilərdən birinin sağ olduğunu görünür, onun kimliyi hələ müəyyən edilməyib.
Dövlət Dumasının deputatı Ayrat Xayrullin Rusiyanın ən zəngin şəxslərindən biridir. 2019-cu ildə “Forbes” jurnalı onun varidatını 158,88 milyon rubl məbləğində qiymətləndirib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
