TATARLAR MİLLİ BAYRAMLARINI QUBADA QEYD ETMİŞLƏR
AZƏRTAC-ın müxbiri xəbər verir ki, əsl el şənliyini xatırladan bayramda qızlar məharətlə toxuduqları, tikdikləri bərli-bəzəkli paltarları, əşyaları nümayiş etdirdilər. Oğlanlar isə çevik hərəkətləri ilə güclü olduqlarını qızların nəzərinə çatdırdılar.
Bu bayramı fərqləndirən əsas əlamətlər - insanların mehribanlığını, qədim tarixə malik tatar xalqının sevinməyə və şənlənməyə haqqı olduğunu nümayiş etdirmək idi. Tolerantlığın hökm sürdüyü Azərbaycanda Sabantuyun sərbəst, istənilən səviyyədə qeyd olunması müstəqil dövlətimizi özünə vətən seçmiş tatarların Azərbaycana sevgi və məhəbbətinin tərənümünə çevrildi. Bayram özlərinin tarixi vətənindən uzaqlarda - Azərbaycanda tatarların sərbəst və firəvan həyatının nümayişinə çevrildi.
Bölmənin digər xəbərləri
