Tailandda təhlükəsizlik qüvvələrinə qarşı partlayış törədilib
Bakı, 19 iyun, AZƏRTAC
Tailandın cənubundakı Yala əyalətində baş verən partlayış nəticəsində altı sərhəd patrul polisi yaralanıb.
AZƏRTAC Sinxua informasiya agentliyinə istinadla xəbər verir ki, müəllimlərin mühafizəsini həyata keçirən təhlükəsizlik bölməsi yerli vaxtla saat 08:10 radələrində naməlum şəxslərin əldəqayırma partlayıcı qurğu ilə təşkil etdiyi hücumun hədəfi olub.
Yaralanan polis əməkdaşları xəstəxanaya yerləşdirilib. Hadisədən sonra ərazi bağlanıb, bomba zərərsizləşdirmə və ekspertiza qrupları araşdırmalara başlayıb.
Bölmənin digər xəbərləri
