Tbilisidə qadınlar arasında şahmat üzrə şəxsi Avropa çempionatı davam edir
Bakı, 16 may (AZƏRTAC). Gürcüstanın paytaxtı Tbilisidə qadınlar arasında şahmat üzrə şəxsi Avropa çempionatında 8-ci turun qarşılaşmaları olmuşdur.
AZƏRTAC xəbər verir ki, 8 turdan sonra Viktoriya Çmilite (Litva) və Bela Xotenaşvili (Gürcüstan) 6,5 xalla liderdirlər. 7 şahmatçı liderlərdən yarım xal geri qalır. Azərbaycan təmsilçiləri Xəyalə Abdulla, Nərmin Kazımova və Xəyalə İskəndərovanın hərəyə 5, Türkan Məmmədyarova və Səbinə İbrahimovanın hərəyə 4,5, Zeynəb Məmmədyarova, Gülnar Məmmədova və Nərmin Xəlilovanın hərəyə 3,5, Nərgiz Umudovanın 3, Ülviyə Fətəliyeva və Səbinə Quliyevanın hərəyə 2,5, Turan Əsgərovanın 2, Nərmin Soyunlunun 1,5 xalı vardır.
Qitə çempionatının 9-cu turunda X.Abdulla-Natalya Jukova (Ukrayna), N.Kazımova-Kristina-Adela Foysor (Rumıniya), X.İskəndərova-Jolanta Zavadzska (Polşa), T.Məmmədyarova-Anna Uşenina (Ukrayna), S.İbrahimova-Yelena Sedina (İtaliya), G.Məmmədova-Madonna Bokuçava (Gürcüstan) və digər qarşılaşmalar olacaqdır.
Mükafat fondu 110 min avro olan Avropa çempionatı mayın 19-da yekunlaşacaqdır.
Bölmənin digər xəbərləri
