TBİLİSİLİ ERMƏNİ ÖZBƏK QIZLARINI “PUL QAZANMAQ ÜÇÜN” DUBAYA APARIRMIŞ...

23.06.2004 [15:00]
Çap et
A⁺ A^-

AZƏRTAC-ın xüsusi müxbiri xəbər verir ki, Gürcüstanın hüquq mühafizə orqanlarının əməkdaşları Tbilisi şəhərinin sakini Aşot Xaçaturyanı tutmuşlar. O, trefikinqdə (insan alverində) günahlandırılır.

Gürcüstanın daxili işlər naziri İrakli Okruaşvilinin bildirdiyinə görə, Aşot Xaçaturyan Özbəkistandan 14 özbək, bir nəfər isə ukraynalı qızı aldadıb Tbilisiyə gətirmiş, Dubaya aparıb işlə təmin etməyə söz vermişdir. Aşotun arvadı hazırda Dubaydadır. Qızlar Tbilisiyə bir ay öncə gəliblər. Nəhayət, polis məlumat almış və trefikinqin klassik nümunəsi faktı üstündə Aşot Xaçaturyanı ifşa etmişdir.

Hadisə ilə bağlı cinayət işi qaldırılmışdır. İstintaqı Tbilisi şəhərinin Vake-Saburtalo Polis İdarəsi aparır.