Təcili tibbi yardım xidmətinə günvurma diaqnozu ilə 26 nəfər müraciət edib
Bakı, 9 iyul, AZƏRTAC
Havaların isti keçməsi ilə əlaqədar may ayından iyulun 8-dək Səhiyyə Nazirliyinin Bakı Şəhər Təcili və Təxirəsalınmaz Tibbi Yardım Stansiyasına günvurma diaqnozu ilə 26 nəfər müraciət edib.
Nazirliyin mətbuat xidmətindən AZƏRTAC-a verilən məlumata görə, həmin şəxslərdən 8-nə orta dərəcəli günvurma diaqnozu qoyularaq xəstəxanaya yerləşdirilib. Müraciət edənlərin hər birinə lazımi tibbi yarım göstərilib və evlərinə buraxılıb.
Günvurma halları ilə bağlı bütün müraciətlər təcili tibbi yardım xidmətində qeydiyyata alınır və nəzarətə götürülür. Günvurmadan qorunmaq üçün günorta vaxtlarında acıq havada çox qalmamaq, qoruyucu vasitələrdən istifadə etmək, çoxlu su içmək tövsiyə olunur. Yüngül dərəcəli günvurma halları olduqda belə vətəndaşın ərazi poliklinikasına müraciət etməsi məsləhət görülür.
Bölmənin digər xəbərləri
