“Təhlükəsizlik və idarəetmə” mövzusunda beynəlxalq konfrans təşkil olunacaq
Bakı, 13 fevral, AZƏRTAC
İyulun 29-dan avqustun 1-dək ABŞ-ın Las-Veqas şəhərində “Təhlükəsizlik və idarəetmə” mövzusunda beynəlxalq konfrans keçiriləcək.
AMEA-nın İnformasiya Texnologiyaları İnstitutundan AZƏRTACA-a bildirilib ki, konfransın təşkilində məqsəd kompüter və şəbəkə təhlükəsizliyi üzrə fəaliyyət göstərən mütəxəssisləri və istifadəçiləri informasiya təhlükəsizliyinin müxtəlif aspektləri üzrə innovativ ideyaların araşdırılması və təcrübə mübadiləsinin aparılması üçün bir araya toplamaqdır.
Konfrans kriptoqrafik texnologiyalar, təhlükəsizlik tətbiqləri, informasiya, şəbəkə və kompüter təhlükəsizliyi, biometrika istiqamətləri, təhlükəsizliyin idarə olunması məsələlərini əhatə edəcək.
Məqalələr martın 26-dək qəbul olunur.
Konfrans haqqında ətraflı məlumatı http://sam.udmercy.edu/sam19/ saytından əldə etmək mümkündür.
Bölmənin digər xəbərləri
