TƏHSİL NAZİRİ YAY TƏLİM-İSTİRAHƏT DÜŞƏRGƏSİNDƏ MƏKTƏBLİLƏRLƏ GÖRÜŞMÜŞDÜR
Təhsil Nazirliyindən AZƏRTAC-a bildirmişlər ki, nazir Misir Mərdanov Bakının Əzizbəyov rayonunun Şüvəlan qəsəbəsindəki 16 nömrəli internat məktəbində istedadlı şagirdlər üçün təşkil olunmuş yay təlim-istirahət düşərgəsində məktəblilərlə görüşmüşdür.
Bu düşərgəyə riyaziyyat, fizika, kimya, biologiya fənləri üzrə istedadlı şagirdlər arasından bu ilin mayında Bakıda seçilmiş və yüksək bal toplayan məktəblilər cəlb olunmuşlar.
Nazir Azərbaycan Prezidenti İlham Əliyevin müvafiq Sərəncamı ilə təsdiq edilmiş “Xüsusi istedada malik olan uşaqların (gənclərin) yaradıcılıq potensialının inkişafı üzrə Dövlət Proqramı” (2006-2010-cu illər) nın əhəmiyyətini vurğulamışdır.
Şagirdlər burada yaradılmış şəraiti yüksək qiymətləndirmişlər.
Bölmənin digər xəbərləri
