TƏHSİL NAZİRLİYİNDƏ DƏRS VƏSAİTLƏRİNİN TƏQDİMAT MƏRASİMİ KEÇİRİLMİŞDİR
AZƏRTAC-ın müxbiri xəbər verir ki, təhsil naziri Misir Mərdanov mərasimdə çıxış edərək respublikamızda həyata keçirilən təhsil islahatlarından danışmış və təqdim olunan dərs vəsaitlərinin islahat proqramına tamamilə uyğun olduğunu bildirmişdir.
Sonra Azərbaycan Sosiologiya Assosiasiyasının prezidenti Rüfət Quliyev BQXK-nin təhsil proqramının qiymətləndirilməsinin nəticələri haqqında ətraflı məlumat vermişdir.
Qeyd edilmişdir ki, başlıca məqsədi müharibə və iğtişaşlarda təcavüzə məruz qalan insanların həyatını qorumaqdan, onlara yardım göstərməkdən ibarət olan Beynəlxalq Qırmızı Xaç Komitəsinin dünyəvi humanitar hüququ təbliğ etməklə faciələrin qarşısını almağa xidmət edən tədris proqramı müvəffəqiyyətlə tətbiq olunur.
Mərasimdə həmçinin yeni dərs vəsaitlərinin məziyyətləri, şagirdlərin adı çəkilən proqrama münasibəti açıqlanmışdır.
Beynəlxalq Qırmızı Xaç Komitəsinin ölkəmizdəki nümayəndəliyinin başçısı Meri Vernts proqramlarına göstərilən diqqətə görə minnətdarlığını bildirmişdir.
Bölmənin digər xəbərləri
