TƏHSİL NAZİRLİYİNDƏ GÖRÜŞ
Təhsil Nazirliyindən AZƏRTAC-a bildirmişlər ki, nazir Misir Mərdanov Azərbaycanlı Tələbələrin Avropa Forumunun (ATAF) baş katibi Vüsal Məmmədov, təşkilatın idarə heyətinin üzvü Emil Məcidov və Bakı nümayəndəliyinin rəhbəri Rasim Bəxşi ilə görüşmüşdür.
Nazir ölkə Prezidenti İlham Əliyevin müvafiq Sərəncamı ilə təsdiq edilmiş “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın icrası istiqamətində görülən işlərdən danışmışdır.
Ayrı-ayrı ölkələrdə keçirilən forumlar barədə məlumat verən ATAF-ın baş katibi Vüsal Məmmədov məhz həmin tədbirlərdə gənc soydaşlarımızın bir araya gəlməklə fikir mübadiləsi apardıqlarını, dəyərli təklif və ideyalar verdiklərini bildirmişdir.
ATAF ilə vaxtaşırı görüşlər keçirilməsinin vacibliyini qeyd edən nazir M.Mərdanov birgə tədbirlər planının hazırlanması, TEMPUS-TACİS proqramı üzrə iş aparılması ilə bağlı təkliflər vermişdir.
Bölmənin digər xəbərləri
