TƏMİR İŞLƏRİ APARILIR
Azərbaycanin magistral qaz kəmərlərində təmir işləri tam həcmdə aparılır və yaxın gələcəkdə Sabirabad, Saatlı və İmişli rayonlarının sakinləri yenidən “mavi yanacaq”la təmin olunacaqlar. Bunu AZƏRTAC-a “Azəriqaz” Qapalı Səhmdar Cəmiyyətindən xəbər vermişlər.
Uzunluğu 50 kilometrdən artıq olan magistral qaz kəməri hələ ötən əsrin 70-ci illərinin əvvəllərində çəkilmişdir. 1995-ci ildə o, artıq qəza vəziyyətində idi və adı çəkilən rayonlara qaz verilməsi müvəqqəti dayandırılmışdı. Bu ilin əvvəlində “Azəriqaz” öz qüvvəsi və vəsaiti hesabına təmirə başlamışdır və işləri gələn ayın axırında qurtarmağı nəzərdə tutur.
Bölmənin digər xəbərləri
