TERROR AKTLARI PLANLAŞDIRAN BRİTANİYALI ÖMÜRLÜKHƏBS CƏZASINA MƏHKUM EDİLMİŞDİR

09.11.2006 [18:34]
Çap et
A⁺ A^-

Britaniya və ABŞ ərazisində terror aktlarının planlaşdırılmasında təqsirli bilinən britaniyalı Diren Barot məhkəmənin hökmü ilə ömürlük həbs cəzasına məhkum edilmişdir. AZƏRTAC xarici KİV-lərə istinadla xəbər verir ki, hakimin sözlərinə görə, Barotun planlaşdırdığı aktlar həyata keçsəydi, böyük faciə baş verərdi.

34 yaşlı Barot bir neçə radioaktiv bomba, habelə London metrosunun Temzanın altından keçən tunelini partlatmaq niyyətində idi. Bandasının üzvləri ilə birlikdə yeraltı qarajlarda partlayıcı maddə və ya zəhərli qazla doldurulmuş bir neçə avtomobili partlatmağı da planlaşdırmışdı. Bundan əlavə, terrorçular ABŞ-da Nyu-York Fond Birjasının, Beynəlxalq Valyuta Fondunun iqamətgahını, Dünya Bankının, Vaşinqtonda korporasiyalardan birinin binasını partlatmağa hazırlaşırmışlar.

Xatırladaq ki, Barot və onun başçılıq etdiyi qrupun 3 üzvü Böyük Britaniya hüquq mühafizə orqanları tərəfindən 2004-cü il avqustun 26-da həbs edilmişlər.

TERROR AKTLARI PLANLAŞDIRAN BRİTANİYALI ÖMÜRLÜKHƏBS CƏZASINA MƏHKUM EDİLMİŞDİR

MÜƏLLİFLƏ ƏLAQƏ

Bölmənin digər xəbərləri