Tərtərdə 8299,5 hektar sahədə yazlıq səpin aparılıb
Tərtər, 9 iyun, AZƏRTAC
Tərtər rayonunda yaz-tarla işləri davam edir. Yazlıq səpini başa çatdıran cəbhə bölgəsinin fermerləri torpağa və bitkilərə lazımi aqrotexniki qulluq göstərirlər.
Rayon Statistika İdarəsinin rəisi Ədalət Məmmədov AZƏRTAC-ın bölgə müxbirinə bildirib ki, yanvar-may aylarında rayonda 8299,5 hektar sahədə yazlıq səpin həyata keçirilib. Yazlıq əkinlərin 2981 hektarı pambıq, 307,7 hektarı şəkər çuğunduru, 1852,1 hektarı günəbaxan, 223,5 hektarı dən üçün qarğıdalı, 40 hektarı yem üçün qarğıdalı, 376,5 hektarı kartof, 1067 hektarı müxtəlif növ tərəvəz bitkiləri, 1379,1 hektarı təzə yonca, 11 hektarı vələmir, 23 hektarı noxud, 22 hektarı lobya, 1 hektarı darı, 2,5 hektarı, soya 13,1 hektarı yem üçün sorqodur.
Hazırda yazlıq bitkilərin, o cümlədən pambığın becərilməsi işləri davam etdirilir.
Bölmənin digər xəbərləri
